Dil rakhta hoon bas aur kuch nahin
Mohabbat rakhta hoon lafz nahin

Seekha jo kuch dikha nahin sakta
Mere ilm ka jo koi naam nahin

Mere dil se gar rakhate ho zara sa itefaq
Swaal bemani sare, aur taaruff kuch nahin

Dil pe jab lage zubaan khamosh rahe
Gam gusaar chahiye tamashaee nahin

Azal

'Girha dilon kee khole se phir kahan khule
tareekH hai Saalgirha us par jo rishta hai azal se'

For dear Brother and sis in law, May God bless this relationship and the love you two share take you across the ocean of life...on you Anniversary

Love

Azal

Ashkon kee boond ne phir jagaya mujhko
Mere intzaar mein mushtaq mujhe dikhaya mujh ko

Ubalti ashkon kee dhar bahee phir tandi ho chali
Do pal ke matam ne phir insaaN banaya mujh ko

Ye dard hai kya kahan uthee hai ye tees
Khuda mere tune kya kya na bataya mujh ko

Jaate dekha tujhe laga dil nikal raha hai
jaan de kar kharida rasKq, rok na paya tujh ko

Mohabbat mein intehaan kya aur vajib kya ?
Beher mohabbat ka na samjha paya khud ko

Azal